(originalny, wot požadarja zapodaty tekst)

David Kliman (45, z Budyšina)

powołanje: nawjedowacy přistajeny wotrjada za marketing, turistiku a zarjadowanja

dźěłowe městno: Měšćanski zarjad Kamjenc

wosebite znajomosće a nazhonjenja na serbskim polu: bywši sobudźěłaćer SLA

motiwacija a wobsahowe ćežišća:

Buch na to narěčany, zo so přemało młódšich kandidatow požada. W tutym zwisku steji mój angažement. Rady pomham, hdyž móžu a hdźež je trěbne.

Wobsahowje hodźa so ćežišća na moje powołanske wobłuki a nazhonjenja wróćo wjesć: Nawjeduju w Kamjenskim měšćanskim zarjadnistwje ressort, kotryž je zamołwity za lokalne turistiske wuwiće a za turistisku informaciju, za wobhospodarjenje dweju hrajnišćow (Měšćanske dźiwadło a jewišćo na Pastwinej horje), za zarjadowanja a za marketing.

W zašłosći sym tež jako disponent pola Serbskeho ludoweho ansambla dźěłał.

W tym nastupanju leži moja ekspertiza w znajomosćach procesow komunalnych zarjadnistwow, we wobłukach turistiskeho hospodarstwa a kulturnych zawodow, we wabjenju a w zjawnostnym dźěle.

Chcu hišće na to skedźbnić, zo sym wotewrjeny za prócowanja wo bazisce demokratisce wolene serbske ludowe zastupnistwa.