Marlis Młynkowa (53, z Hórkow)

(originalny, wot požadarki zapodaty tekst)

čłonstwo a funkcija w serbskich towarstwach:

• čłonka prezidija Domowiny
• čłonka Zwjazkoweho předsydstwa Domowiny
• čłonka župneho předsydstwa “Michał Hórnik” Kamjenc
• předsydka wjesneho towarstwa “Při skale” w Hórkach
• čłonka SŠT z.t.

dalše čestnohamtske dźěło serbskeho razu: zastupowaca čłonka Załožboweje rady z lěta 2013 (dwě periodźe), čłonka projektoweje přirady Załožby za serbski lud

wosebite znajomosće a nazhonjenja na serbskim polu: dobry zwisk k towarstwam a Domowinskim skupinam, wosebje w HŁ; dobry zwisk k serbskim staršim a młodostnym; přez swójsku dźěławosć kontakt do pěstowarnjow a šulow w HŁ a DŁ

motiwacija a wobsahowe ćežišća:

Chcu dźěławosć jako radźićelka, kotruž hižo z lěta 2015 wukonjam, směrodajnje dale wjesć. Widźu, zo sym z mojim dotalnym angažementom zhromadnu dźěławosć Domowiny a Załožby za serbski lud wobwliwowała.

Cyle wažne mi je, zo so tučasna spomóžna dźěławosć radźićelow dale wjedźe. Měnju, zo smy w poslednimaj periodomaj wjele pozitiwneho wuskutkowali, štož je dźěławosć radźićelow polěpšiło. Wězo smy wjele časa inwestowali, štož pak běše na dobro Serbow.

Přeju sebi, zo so tuta dźěławosć dale wjedźe, dokelž je skutkowanje w załožbowej radźe naročny nadawk.

Tohodla sym zwólniwa znowa kandidować.