Na prezentaciji kampanje sakskeho ministerstwa nutřkowneho za wjac serbskich policistow dźensa na Póštowym naměsće w Budyšinje powědaštaj tež wyši komisar policije Dominik Dyrlich (policajski rewěr Wojerecy, nalěwo) a komisar policije Maksimilian Funka (rewěr Budyšin) serbskim medijam w swojej maćeršćinje. Předsyda Domowiny Dawid Statnik chwaleše kampanju na žortne wašnje. Prjedy běše w Serbach „tip“ za łoskoćiwe situacije z policiju: Praj, zo chceš serbsce wotmołwić, potom maš wjac chwile za přemyslowanje, doniž njejsu woni serbowaceho policista namakali. Mjeztym móže ći so stać, zo policist hnydom wotmołwja: „Powědaj prošu…“

Foto: Domowina/Marcel Brauman