Sym rodźena Chasowčanka, 27 lět stara a studowana sorabistka. Z ćěłom a dušu wěnuju so serbskej rěči, kulturje a narodnemu herbstwu. Wšědnje zasadźuju so w zhromadnym dźěle z komunami za žiwu zjawnu dwurěčnosć w Sakskej.

Hibićiwu konstruktiwnu wuměnu młodeje a staršeje generacije mam za dobry zakład tworjenja rozsudow wo našim přichodźe. Tohodla kandiduju za Zwjazkowe předsydstwo Domowiny, dokelž chcu přinošować ze swojimi myslemi a wizijemi k atraktiwnosći našeje serbskeje Łužicy wosebje za młodych Serbow.