Ja sym Marko Hančik, 68 lĕt stary. Bydlu w Mĕrkowje pola Radworja. Jako diplomowy biologa dźĕłach na 40 lĕt w instituće za patologiju w Choćebuzu. Sym čłon TCM z.t. a chóra „Meja z.t.“. Do „serbskeje politiki“ dóstach so w januaru 1990 w župje Choćebuz. W lĕtach 1998 – 2002 bĕch čłon rady Załožby za serbski lud a z lĕta 2001 sym čłon Zwjazkoweho předsydstwa Domowiny.

„Maćernu rĕč lubuju“, starosć wo jeje dalše traće, ale tež dźakownosć, zo smĕdźach bohatosć našeje ludoweje/nabožneje kultury dožiwić, bĕchu a su přičiny mojeho skutkowanja w Domowinje. Ličba „68“ wšak signalizuje, zo je tak pomału na času. Z mojej wospjetnej kandidaturu za mĕstopředsydu Domowiny chcu mjez druhim sobu zaručić, zo móžemy womĕrje a bjez wjetšich łamkow pokročować generacisku zmĕnu we wolenych gremijach Domowiny.