Sym 25 lět stary a pochadźam z Chasowa. Tučasnje bydlu w Berlinje a studuju prawnistwo. Angažuju so pola młodźiny europskich narodnych mjeńšinow (MENS) jako sobustaw dźěłoweje skupiny mjeńšinowe prawo a politika. Serbšćinu sym wosebje wot mojeho dźěda nawuknył, kiž je mi tež wid ewangelskich Serbow zbližił. Sym nominowany wot Serbskeho młodźinskeho towarstwa „Pawk“ z.t.

Kandiduju za zwjazkowe předsydstwo, dokelž chcu wid Serbow zwonka Sakskeje a Braniborskeje sposrědkować. Wosebje mje zaběra wutworjenje serbskeje identity, njehladajo na politiske a nabožne přeswědčenja. K tomu słušeja tež prašenja pochada a domizny, kiž jednotu Serbow spěchuja.