Sym Matej Mark, 22 lět, a pochadźam z Noweho Łusča. Tučasnje sym student wučerstwa w Lipsku. Mjez druhim sym sobustaw tamnišeho studentskeho towarstwa Sorabija Lipsk, čłon Serbskeje Murje a jedyn z dweju županow Zwjazka serbskich studowacych – župy „Jan Skala”.

Kandiduju, dokelž je młodźina přichod Serbstwa. Naše ideje, mysle a sony su zakład za dalewobstaće serbskeje rěče a kultury. Hdyž młodźina wo narodnym dźěle Domowiny přeswědčena njebudźe, njebudźe so tež za tute angažować. Chcu předstawam serbskich studowacych hłós dać.