Som Maksimilian Hasacki, póchadam z Dešna a źěłam ako chemikaŕ w Chóśebuzu. Ako cłonk pśedsedarstwa Dešańskeje młoźiny som kradu aktiwny w serbskem, wejsańskem žywjenju w župje Dolna Łužyca. W projektowej iniciatiwje „Zorja“ se z cełeju dušu za wóžywjenje dolnoserbskeje rěcy zasajźaju.

Kandiděruju, dokulaž pśiduca wólbna perioda buźo rozsuźeca w dalejwuwiśu našeje serbskeje towaršności a institucijow, aby wupominanja strukturneje změny a rěcneje rewitalizacije gromaźe zmejstrowali.