Ja som Franciska Albertowa a bydlim z familiju (źowka, manźelski a mója mama) we Wjerbnje. Z Domowinu som dłujko zwězana, ako 18-lětna som zachopiła rejowaś w TEF, źož źinsa hyšći rejujom a kenž jo cłonk župy Dolna Łužyca. Wót lěta 2013 statkujom za TEF w župnem pśedsedaŕstwje a cynim to teke w nowej legislaturje. Mimo togo som pśedsedaŕka serbskego familijowego towaristwa „Gromaźe“, kenž jo w lěśe 2020 župje Dolna Łužyca pśistupiło. 

Kandiděruju za zwězkowe pśedsedaŕstwo, dokulaž mógu z nazgónjenjami wšakich pólow k narodnemu źěłoju pśinowsowaś. Ako zagronita za serbske młoźinske źěło w Chóśebuzu cu młodostnym našogo regiona głos daś, ako serbska maś našym familijam, ako rejowaŕka našym wuměłski statkujucym.