Ja sym Marka Cyžowa, wuměnkarka, bydlu w Lejnje w gmejnje Pančicy-Kukow. Sym čłonka třoch pod třěchu Domowiny skutkowacych towarstwow: Towarstwa Cyrila a Metoda z.t., Maćicy Serbskeje a Domowinskeje skupiny w Pančicach-Kukowje. W nětřišej legislaturnej periodźe sym jako čłonka Zwjazkoweho předsydstwa Domowiny była předsydka jeho wuběrka za zjawnostne a lobbyjowe dźěło.

Kandiduju do změrcowskeho wuběrka Domowiny, dokelž je mi serbske dźěło wěc wutroby. Wšudźe, hdźež so dźěła, padaja třěski. Při tym móže tež ke konfliktam přińć. Změrcowski wuběrk je organ, kotryž nikoho njewinuje, ale za kompromisami pyta. Chcu w trěbnym padźe ze zrozumjenjom wobeju stronow pomhać wujednawać.