Ja sym Jan Clausen, 19 lět stary, a studuju tučasnje w Lipsku prawnistwo. Pochadźam z Pančic-Kukowa, hdźež so přeco rady w cyrkwi a młodźinje angažowach. Tu w Lipsku sym započał so intensiwnišo z politiku rozestajić, tak sym so ze sobustawom CDU a RCDS stał. Kaž kóždy młody Serb nadźijam so wězo tež, zo so jednoho dnja po mojim studiju zaso do Łužicy nawróćić móžu. 

Kandiduju za zwjazkowe předsydstwo Domowiny, dokelž stej serbska rěč a serbska kultura drohotny pokład, kotrejuž hódnotu dale a wjac ludźi z woči zhubja. Chcu docpěć, zo so nic jenož w Serbach, ale w cyłej Sakskej resp. cyłej Němskej na naš pokład skedźbnja. Přez to dyrbja so narodne mjeńšiny mócnišo do fokusa kulturelneho kubłanja na šulach a w towaršnosći stajić, tak zo njejsmy jako mjeńšina jenož bóle připóznaći, ale tež znaći.