Domowina je w „Dźěłarničce za přichod Łužicy” lěta dołho aktiwnje sobu dźěłała. Wažny wupłód: „wuwićowa strategija Łužica 2050”. Nošer dźěłarnički, „Hospodarski region Łužica”, je serbskej werziji mjeztym zjawnosći spřistupnił. Naš zaměr je, zo 2050 kóždy wobydler serbskeho sydlenskeho ruma znajmjeńša dosć serbsce rozumi, zo jeho dla nichtó němcować njetrjeba. Tohodla je jasne, za dyrbi strategija za naš region za tři lětdźesatki tohorunja serbska być, wšako chcemy trěbny słowoskład za přewodźace diskusije tež w našej maćeršćinje wužiwać móc.

Přispomnjenje: Strategija je w času kooperacije Braniborskeje a Sakskeje nastała, hdyž su tež wokrjesy ze Sakskeje na „Hospodarskim regionje Łužica” wobdźělene byli. Wot spočatka lěta su wone won, dokelž kročitej zwjazkowej krajej, do kotrejuž Łužica słuša, zaso po rozdźělnym puću.