Ja sym Jan Bělk. Sym předsyda Zwjazka serbskich wuměłcow z.t. a kandiduju za naše towarstwo za zwjazkowe předsydstwo Domowiny z.t. Hižo w zańdźenymaj legislaturomaj běch z čłonom w tutym najwyšim wolenym zastupnistwje Serbow. Zdobom běch předsyda kulturneho wuběrka třěšneho zwjazka.

Kandiduju, dokelž wobhladuju dźěło Domowiny, hač na zarjadniskej abo na čestnohamtskej runinje, za přewšo wažne za zdźerženje serbskeje narodneje identity. Sym hordy na to a zdobom sej swojeje zamołwitosće wědomy, směć bjezposrědnje ze swojim skutkowanjom rozsudy k skrućenju našeho luda wuwiwać a k politiskim rozsudam wjesć.