Tule namakaće powěsće z wobłuka zjawnostneho dźěła Domowiny, třěšneho zwjazka Łužiskich Serbow. Naša rěč je serbšćina. Chceće-li so při čitanju tekstow pomhać dać, steji Wam přełožowanska mašina za hornjoserbšćinu do němčiny sotra (soblex.de) k dispoziciji.

Přinoški su z pjera nowinskeho rěčnika Nowinski rěčnik Domowiny a wos. referent předsydy (domowina.de) , markěrowane „(red)“ = redakcija. Wón piše hornjoserbsce, wužiwa pak delnjoserbske pomjenowanja, na přikład „Rada za nastupnosći Serbow kraja Bramborska“. abo „Chóśebuz“. Hewak je mjeno awtora resp. citowaneje wosoby widźeć, a rěč so, kaž je pola nas w Serbach z wašnjom, na wosobje orientuje: delnjo-, hornjoserbsce abo slepjansce. Kontakt móžeće najlěpje mejlnje nawjazać presse(at)domowina.de .

Blog so po principje tikotaka powěsćernjow wjedźe. Jeli bychu-li internecy, serbska cyber-wjeska, hišće eksistowali, byšće sej to móhli hižo wobhladać. Tam pisaše awtor składnostnje Chróšćan zběžka 2001 tajki tikotak. Lětsa swjećimy 20. róčnicu, a tohodla je najwjetši čas, jako přinošk k zjawnym rěčnym rumom, štož běše hłowna tema něhdyšich prócowanjow, zaso tikotak z rowa stanyć dać. Wobsah tikotaka su ryzy informacije, wobrazy a druhdy wideja mamy za Was stajnje aktualnje na internetnej stronje a prezency Domowiny w socialnych syćach Facebook, Twitter a Instagram.

So wě, zo móžeće nam radlubje kóždy čas pokiwy sposrědkować, hdyž maće sami informacije, kotrež bychu serbski swět a druhich zajimować móhli. Wězo njemóžemy za wozjewjenje zaručeć, přetož je tónle tikotak runja tickeram powěsćernjow wuběr. (red)